شَيءْ .. اِشْتْهِيتْ
نْجَسّدُه بْكِلْمَاتْ
لَكِنْ .. حينْ ڨُلْتُه
مَاتْ ،
دْفِنْتُه كْما
لَسْرارْ
وْرَاء لَسْوارْ
وْرَاء لَمْرارْ
وِاللَّذَّاتْ
وِبْكيتْ ،
بَعْدْ ضْحكتْ ،
بَعْدْ نْسيتْ ...
حتى فات مِالوقتْ كلِّ الوقتْ
حتى المْسافَة وْفاتْ
...
تْسَاءِلْتْ :
هَالْحَياةْ ..
ثمّاشْ فيها شيْ
تَفْنَى وْيبقَى
حيْ ؟!
ڨالتْ :
هُوَ اللَّاشَيْءْ
وِاذا تْسَمَّى .. مَاتْ
.
ما أكْبْرِكْ ..
ما أوْسْعِكْ ..
ما أعْظْمِكْ ..
يا سْكاتْ !!!
ليست هناك تعليقات:
إرسال تعليق